Gazeta Si – Emri i rij lakohet thuajse çdo ditë si një dëshirë e klubeve të njohura europiane. Por për ta qartësuar situatën ka menduar vetë Armando Broja, sulmuesi i Kombëtares së Shqipërisë.
“Një kontratë e re afatgjatë me Çelsin është një mundësi shumë e mirë për mua dhe familjen time. Ky është klubi ku jam formuar dhe jam rritur. Dua të përmirësohem si njeri dhe si futbollist. Nuk ka klube të tjera më të mira se Çelsi për ta bërë këtë gjë”.
Me këto fjalë sulmuesi kuqezi e ka hequr veten nga merkatoja, të paktën për momentin. Të interesuar për të janë disa klube të Premier Ligës, por edhe Milani në Itali. Broja është aktivizuar si zëvendësues këtë sezon, nga Tuhel fillimisht dhe tani nga Poter.
Ndeshja e sotme me Dinamon e Zagrebit është një mundësi e mirë që futbollisti shqiptar ta nisë nga minuta e parë, ose të paktën të ketë më shumë minuta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
