Gazeta Si – Tjetër problem muskulor për Pol Pogba dhe Botërori tani edhe më shumë në rrezik. Mesfushori i Francës në këtë situatë rrezikon të kthehet në fushë në 2023-shin, duke shtuar ankthin për Katar 2022.
Pogba ndjeu dhimbje në kofshën e djathtë gjatë stërvitjes. Gjurin e këmbës së djathtë ai e operoi dy juaj më parë, çka shton frikën për një problem serioz. Ekzaminimet e detajuara do të tregojnë më qartë se për çfarë dëmtimi bëhet fjalë.
Për momentin dyshohet për një tërheqje të lehtë, që kërkon minimumi dy javë kohë për rikuperim. Futbollisti francez ka marrë një goditje të fortë psikologjike. Ai u kthye para pak ditësh në stërvitje dhe shpresat për Botërorin e Katarit u rritën shumë.
Pogba u detyrua të kryente ndërhyrje kirurgjikale në gjurin që nuk e lejonte të stërvitej. Këtë sezon nuk ka luajtur asnjë minutë në ndeshje zyrtare. Një rikthim i vështirë për të me fanellën badhezi, që vë në rrezik të madh edhe Botërorin me Francën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
