Gazeta Si – Gabriel Barbosa është mbreti i Libertadores. Flamengo është kthyer në majë të Amerikës së Jugut dhe firmën e ka vendosur sërish ish-sulmuesi i Interit. Fitorja 1-0 ndaj Atletiko Paranaense i ka dhënë Flamengos kupën e tretë në histori.
Për të tretin vit radhazi, finalja e Libertadores është diskutuar mes dy skuadrave braziliane. Nga një anë Flamengo, me shumë emra të njohur edhe në Europë, si David Luiz, Filipe Luis, Gabigol dhe Pedro, kurse në anën tjetër ‘Furacao’, të drejtuar nga Felipe Skolari.
🏆🇧🇷 ¡CAMPEÓN DE LA CONMEBOL #Libertadores!
— CONMEBOL Libertadores (@Libertadores) October 29, 2022
❤🖤 @Flamengo alcanzó el tricampeonato tras vencer a #AthleticoParanaense.
⭐⭐⭐ ¡Felicitaciones al #Mengão!#GloriaEterna pic.twitter.com/b5saNFqjEv
Pas suskesit në gjysmëfinale ndaj Palmeirasit, Atletiko Paranaense ëndërronte të fitonte kupën e parë në histori. I shkoi shumë afër në 2005-ën, e udhëhequr nga baby-Fernandinho, që në verë u kthye në shtëpi pas 17 sezonesh mes Shakhtarit dhe Sitit.
Vëmendja ishte e gjitha te Vitor Roque, qendërsulmuesi i datëlindjes 2005, ylli me një klauzolë 300 milionë euro, që tani në shënjstrën e të mëdhenjve të Europës.
Në ‘Estadio Monumental’, Flamengo dhe Atletiko luajtën me karta të hapura. Djemtë e Skolarit e nisën mirë, por humbën dy raste me Vitinjo e Santana. Kthesa e ndeshjes ndodhi në minutën e 43-të, kur Pedro Henrike, mbrojtësi i Atletikos, u ndëshkua me kartonin e dytë të verdhë.
🔊 ¡A subir el volumen!
— CONMEBOL Libertadores (@Libertadores) October 30, 2022
💪❤🖤 El gol de @Gabigol, desde el campo de juego, y con sonido ambiente.
🏆🥇 Así alcanzó @Flamengo el tricampeonato en la CONMEBOL #Libertadores. pic.twitter.com/WnK3I6AlrH
Arbitri dha 5 minuta shtesë për pjesën e parë dhe në të 49-ën Gabigol shënoi golin e fitores. Rekord ky për sulmuesin brazilian, që për herë të katërt shënon në një finale të Kupës Libertadores. Ai është ngjitur në kuotën e 29 golave në këtë kompeticion. Festa e gjitha për Flamengon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
