.png)
E pranishme në konferencën vjetore të Bankës së Shqipërisë, ministrja e Financave, Delina Ibrahimaj deklaroi se inflacioni mbetet sfida më e madhe për ekonominë.
Ibrahimaj u shpreh se politikat që janë marrë deri më tani kanë qenë thelbësore për përballimin e krizës duke bërë që ekonomia të rritej me 4.2% në 6 mujorin e parë të vitit 2022.
Ndër të tjera, ministrja nënvizoi se megjithëse ekonomia ka përballuar krizën, ndihen efektet negative.
“Bonot e interesave janë të larta, inflacioni është i lartë, por mbi të gjitha, pasiguria është e lartë për të ardhmen. Ne përballemi me të tjera sfida, të cilat janë po aq të forta, e mbase më të forta se ato që kemi kaluar. Deri më tani, ekonomia shqiptare në vitin 2022, e ka përballuar më së miri këtë goditje, ndonëse efektet negative janë aty.
Ekonomia gjatë 6 mujorit të parë u rrit me 4.2%. Papunësia gjatë gjysmës së parë të vitit arriti nivelin 11.1%, ndërsa punësimi u rrit me 4.3%. Ekonomikisht, inflacioni dhe rritja e çmimeve mbeten sfida jonë më e madhe”, theksoi ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
