Gazeta Si – Aston Vila ka zgjedhur pasuesin e Stiven Xherrard. Ai është Unai Emeri, spanjolli 50-vjeçar që kthehet kështu në Premier Ligë, pas eksperiencës me Arsenalin. Emeri lë Vilarrealin dhe shkon në Angli.
Trajneri spanjoll ka firmosur një kontratë 5-vjeçare, nga e cila përfiton 7 milionë euro në vit. Ai do ta marrë detyrën më 1 nëntor, sapo të përfundojnë procedurat burokratike për lejen e punës, e nevojshme për të drejtuar një skuadër në Premier Ligë.
Edhe fundjavën që vjen, në ndeshjen me Njukasëllin, Aston Vila do të drejtohet Aron Danks, në stol edhe në fitoren 4-0 ndaj Brentfordit.
Unai Emeri njihet për sukseset në Ligën e Europës, ku ka fituar trofeun tri herë radhazi me Seviljen në periudhën 2013-2016. Ka drejtuar PSG-në në Francë dhe Arsenalin në Angli, ku më parë kërkohej edhe nga Njukasëlli, por preferoi të qëndronte te Vilarreali.
Aston Vila preferoi eksperiencën e Emeri dhe për këtë pagoi klauzolën prej 6 milionë erosh te Vilarreali. Me ardhjen e Emeri në stol, ‘Villans’ synojnë të ngjitin sa më shpejt shkallët në klasifikim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
