Gazeta Si – Një grup futbollistësh dhe sportistësh të tjerë iranianë i kanë bërë një kërkesë FIFA-s, me anë të së cilës kërkojnë përjashtimin e kombëtares së tyre nga Katar 2022. Arsyeja ka të bëjë me shkeljen e të drejtave të njeriut dhe diskriminimi i femrave.
Sipas BBC, në kërkesën e këtyre futbollistëve dhe personaliteteve të tjera të lidhur me sportin iranian, shkruhet: “Neutraliteti i FIFA-s nuk është një opsion. Brutaliteti i Iranit ndaj popullit të tij ka arritur një pikë kritike, ndaj dhe kërkon një qëndrim të prerë nga bota e futbollit dhe sportit.
Femrave u ndalohet të hyjnë në stadium dhe janë përjashtuar sistematikisht nga ekosistemi futbollistik i Iranit. Ky fakt është në kontrast të plotë me vlerat dhe statutet e FIFA-s. Nëse femrat ndalohen të hyjnë në stadium dhe Federata iraniane thjesht ndjek linjën e qeverisë, kjo nuk mund të shihet si një organizatë e pavarur dhe e lirë nga çdo formë influence.
Këshilli i FIFA-s mund dhe duhet ta pezullojë menjëherë Iranin. FIFA nuk duhet të lejojë pjesëmarrjen e një vendi që po i persekton femrat e tij, sportistët dhe fëmijët vetëm për faktin se po ushtrojnë të drejtat e tyre njerëzore më elementare”.
Pas këtij lajmi, siç ka ndodhur edhe pak kohë më parë, rrjetet sociale janë mbushur me debatin për ripeshkimin e Italisë në Botëror.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
