Gazeta Si – Roko Vata, djali i ish-kapitenit të Kombëtares shqiptare Rudi Vata, po ecën me shpejtësi në hapat e të atit. Edhe pse është vetëm 17 vjeç, emri i tij figuron tashmë në listat e merkatos edhe të klubeve të njohura europiane.
Në rolin e mesfushorit me tipare sulmuese, Roko Vata po impresionon me paraqitjet që po bën me Selltikun, ish-klubin e babait të tij. Ai ka shënuar gola në Ligën Europiane të të rinjve ndaj Lajpcigut dhe Fulhemit.
Kjo paraqitje ka bërë që ai të vihet në fokusin e big-ëve italianë, si Milan, Juventus dhe Roma, por edhe Arsenali dhe Mançester Siti janë në gjurmët e tij. Roko Vata ka kontratë me Selltikun deri në vitin 2024 dhe që tani klubi skocez kërkon 2 milionë euro.
Vata luan për ekipet e moshave të Irlandës, vendit të nënës së tij. Rudi Vata ka thënë kohë më parë se FSHF nuk pati asnjëherë interes për djalin e tij dhe nëse është vërtet kështu, me siguri drejtuesit e futbollit shqiptar janë bërë pishman.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
