Gazeta Si - Një aksident me pasoja tragjike ka ndodhur këtë të premte në aksin rrugor Fier-Mallakastër. Një 64-vjeçar ka ndërruar jetë pasi mjeti që po drejtonte doli nga rruga. Po ashtu mësohet se ka mbetur e plagosur pasagjerja që ndodhej me të, e cila është dërguar në spital.
“Rreth orës 15:55, në aksin rrugor “Fier-Mallakastër”, në vendin e quajtur “Qafa e Lalarit”, shtetasi Q. K., 64 vjeç, duke drejtuar automjetin tip “Toyota” ka humbur kontrollin mbi automjetin dhe ka dalë nga rruga. Për pasojë ka ndërruar jetë shtetasi Q. K , si edhe është dëmtuar shtetasi A. K., 59 vjeç, banues në Patos, i cili ndodhet në spital nën kujdesin e mjekëve”, njoftoi policia.
Grupi hetimor po punon për zbardhjen e shkaqeve të daljes së makinës nga rruga.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.