.png)
Nga Gazeta ‘SI’ – Banka Botërore njoftoi se ekonomia e Shqipërisë do të rritet me 3.2% këtë vit, ndërsa më 2023 ritmet e rritjes do të jenë 2.3%. ulje me 1.2 pikë për qind në krahasim me parashikimet e pranverës.
Për të gjithë Ballkanin Perëndimor, rritja ekonomike pritet të arrijë në 3.4% deri në fund të vitit, por sipas BB-së, me ritmin e rritjes që ka tani, prodhimi mund të rikuperohet plotësisht dhe të kapërcejë nivelet para pandemisë.
Banka thekson se në Shqipëri, Maqedoni e Veriut dhe Kosovë, janë rritur fort presionet për subvencionim të energjisë elektrike. Serbia është dëmtuar pjesërisht nga reduktimi i gazit rus në Europë, por rezervat e kanë ndihmuar në afatshkurtër.
Sipas BB-së, Bosnjë Hercegovina dhe Serbia po rrisin presionin mbi borxhin publik dhe kostot e shërbimit të tij, të cilat tashmë janë të larta.
“Rritja potenciale në rajon mbetet e kufizuar nga nevoja për reforma strukturore për të rritur produktivitetin, rritja e konkurrencës dhe investimet në kapitalin njerëzor dhe forcimin e qeverisjes. Në periudhën afatmesme, Plani Ekonomik dhe i investimeve i BE-së i miratuar së fundmi për Ballkanin Perëndimor do të mobilizojë fonde për të mbështetur konkurrencën dhe rritjen gjithëpërfshirëse. Gjithashtu tranzicioni i gjelbër dhe ai digjital, pritet të mbështesin përpjekjet për reforma. Megjithatë, pasiguria politike në rritje në rajon mund të çojë në vonesa në progresin e reformave pasi ngërçet e brendshme pengojnë përthithjen efikase të fondeve dhe krijojnë vonesa në zbatimin e reformave.”
Aktiviteti ekonomik pritet të mbetet në nivele shumë të ulëta dhe përgjatë vitit të ardhshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
