Gazeta Si – Erdhi monenti për derbin e parë të sezonit. Partizani dhe Tirana do të ndeshet sot, në orën 19:00, në stadiumin ‘Air Albania’, në ndeshjen mbyllëse të javës së 6-të të Superiores.
Partizani vjen në këtë sfidë në pozita më komode. Mban vendin e parë dhe e ruan atë edhe në rast humbjeje, kështu që presioni kalon në anën e Tiranës. Kampionët në fuqi nuk e kanë nisur në mënyrën më të mirë kampionatin, por me një fitore në derbi do ta kalonin situatën në favor të tyre.
Dy skuadrat i ndajnë 4 pikë në tabelën e klasifikimit. Tirana nuk duket më ajo e sezonit të kaluar, pasi i janë larguar shumë lojtarë me peshë nga formacioni, por sërish ka shanse për të mbrojtur kurorën.
Do të jetë derbi i parë edhe për trajnerin italian të Partizanit, Kolela, i cili deri tani ka surprizuar me aktivizimin e disa lojtarëve të rinj. Shehi në anën tjetër është i mësuar me derbit, ka fituar disa në stolin e Tiranës. Në ndeshjen e sotme bardheblutë kanë një mungesë të rëndësishme, mbrojtësin Najdovski.
Pritet një ndeshje e hapur në ‘Air Albania’, vitrina më e mirë për të treguar vlerat nga të dyja skuadrat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
