Gazeta Si – Presidenti i FIFA-s, Xhani Infantino, vjen të enjten në Shqipëri për një vizitë zyrtare. Ai do të takohet me drejtuesit e FSHF-së, komunitetin e futbollit, por edhe me kryeministrin Edi Rama.
Vizita e kreut të futbollit botëror lidhet me festën e 90-vjetorit të anëtarësimit të FSHF-së në FIFA, si dhe me inaugurimin e “Shtëpisë së Futbollit”. Ndërtimi i këtij kompleksi është financuar pikërisht nga programi “Forward” i FIFA-s.
Në kompleksin ku ka selinë e saj Federata Shqiptare e Futbollit, janë drejt përfundimit edhe dy ministadiumet, që do të jenë në funksion të ekipeve kombëtare të Shqipërisë.
Infantino e kishte paralajmëruar vizitën në Tiranë me anë të një letre që i kishte dërguar presidentit të FSHF-së, Armand Duka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
