Gazeta Si – Një debutim për rekord. Ethan Nuaneri, në moshën 15 vjeç, 5 muaj e 28 ditë, është bërë lojtari më i ri në historinë e Premier Ligës që hyn në fushë. Trajneri Mikael Arteta e aktivizoi në vend të Vieira në minutën e 91-të të ndeshjes Brentford-Arsenal.
Rekordi i mëparshëm mbahej nga Harvei Eliot, i cili kishte deubtuar me Liverpulin në moshën 16 vjeç e 30 ditë.
Nuaneri ka lindur më 21 mars 2007, në Londër, nga prindër nigerianë. Ai ka debutuar në Premier pas një jave si në ëndërr. Arteta e përfshiu në stërvitjen e skuadrës së parë, duke parë mungesën e kapitenit Martin Odegard.
Mesfushor qendre dhe trekuartist, me nuhatje për golin, siç ka treguar sezonin e fundit, ku shënoi gol në debutimin me U-18 të Anglisë, Nuaneri kaloi tek U-21, edhe pse ka moshën për të luajtur edhe me U-16.
Ka debutuar në Premier Ligë 2 në fillim të shtatorit, në fitoren 4-1 ndaj Blekbërnit, duke rënë në sy me një asist. Tani Arteta e ka marrë në skuadrën e parë, i bindur se ky djalosh do të vazhdojë t’i djegë etapat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
