Gazeta Si – Pas një humbjeje dhe një barazimi, Tirana ka rigjetur fitoren në ndeshjen e sotme me Teutën, e vlefshme për javën e 5-të të Superiores. Plot 4 gola shënuan bardheblutë në portën e durrsakëve, duke shfryrë gjithë dufin e zhgënjimeve të fundit.
Redon Xhixha ishte njeriu i ndeshjes për Tiranën, autor i një tregolëshi. Ai i kaloi kampionët në avantazh në fundin e pjesës së parë me një gjuajtje nga jashtë zonës. Hasani dyfishoi në fillim të pjesës së dytë dhe pastaj ishte sërish radha e Xhixhës.
Sulmuesi trefishoi shifrat sërish me një gjuajtje nga distanca dhe në shtesë shënoi edhe golin e 4-t me penallti, duke ‘vulosur’ rezultatin në 4-0. Tirana ngjitet në kuotën e 8 pikëve, në vend të dytë, 1 më pas se Partizani, që të hënën ndeshet me Kukësin për javën e 5-të.
Teuta mbetet në krizë, me vetëm 3 pikë të fituara na 3 barazime. Ndeshjet e tjera të kësaj jave janë Bylis-Egnatia, Erzeni-Laçi dhe Vllaznia-Kastrioti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
