Qëndra ciklonike e pozicionuar në detin Tirren do të përfshijë rajonet e Ballkanit duke sjellë reshje shiu dhe stuhi intensive në territorin e Shqipërisë, me aktivitet kryesor ditën e shtunë.
Ditën e sotme (e premte), moti do të jetë me kthjellime dhe vranësira mesatare deri të dendura të pasuara nga reshje shiu dhe stuhi në zonën veri-perëndimore ku reshjet do të jenë intensive në zonën e Shkodrës. Era do të jetë me drejtim Jug-Perëndim me shpejtësi 10 -20 m/sek në bregdet. Valëzimi do të jetë i forcës 4-5 me lartësi vale 1,0 deri në 1,5 metër në det të hapur. Temperaturat do të jenë me rënie.
Temperaturat minimale dhe maksimale:
Zona malore 13/29°C
Zona e ulët 14/33°C
Zona bregdetare 20/32°C
E Shtunë , data 17 Shtator 2022
Moti do të jetë me reshje shiu dhe stuhi dhe rrebeshe me intesitet në zonën veri-perëndimore me aktivitet kryesor në mëngjes deri pasdite. Era do të jetë me drejtim Jug-Perëndim me shpejtësi 15 -25 m/sek në bregdet. Valëzimi do të jetë i forcës 5-6 me lartësi vale 1,5 deri në 2,5 metër në det të hapur. Temperaturat do të jenë me rënie.
Temperaturat minimale dhe maksimale:
Zona malore 14/21°C
Zona e ulët 16/28°C
Zona bregdetare 20/25°C
Meteorologe: Rezarta Xhakollari
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
