Gazeta Si – Në një ndeshje thuajse të humbur, Juventusi për një moment festoi për fitoren, që më pas u bë barazim nga VAR-i. Gjithçka ka ndodhur në kohën shtesë, e mbyllur në barazim 2-2. Një rezultat që djeg për bardhezinjtë.
Juventusi e mbylli pjesën e parë në disavantazh të dyfishtë, 0-2. Kandreva dhe Piatek me penallti shënuan për Salernitanën. Në fillim të pjesës së dytë Bremer shkurtoi diferencën në 1-2. Dhe shtesa pastaj ishte një thriller i vërtetë.
Në minutën e 3-të shtesë bardhezinjtë fitojnë një penallti. Bonuçi, me shumë fat, shënon në tentativën e dytë, pas grushtimit të portierit. Barazim 2-2. Në minutën e 5-të shtesë Milik shënon golin e tretë dhe ndëshkohet me kartonin e dytë të verdhë, pasi heq fanellën nga gëzimi.
Më pas VAR-i anulon golin e Milik për një pozicion jashtë loje të Bonuçit. Tension në fushë dhe Alegri dhe Kuadrado ndëshkohen me karton të kuq, ashtu si dhe Facio te Salernitana. Përfundimisht, një barazim plot emocione në Torino, me Juventusin që shkon në 10 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
