Gazeta Si – Enkeleid Dobi, ish-lojtar i Teutës dhe Kombëtares në vitet ’90, është trajneri i ri i Kukësit. Durrsaku 47-vjeçar ka arritur marrëveshjen me klubin kuksian dhe të hënën merr zyrtarisht detyrën.
Dobi, pas largimit nga Shqipëria, e vazhdoi karrierën në Kroaci dhe në Poloni, ku vitet e fundit ka nisur edhe karrierën si trajner. Ai kthehet në Shqipëri për të drejtuar Kukësin, që duhet të nxjerrë sa më shpejt nga kriza.
“Kukësi njofton se Enkeleid Dobi është zyrtarisht trajner i skuadrës sonë! Tekniku 47-vjeçar do të marrë drejtimin e skuadrës të hënën, kur do të prezantohet edhe para mediave. Dobi vjen tek ekipi ynë pas një eksperience në Poloni, ku ka drejtuar skuadrat e Gornik Polkowice dhe Widzeë Lodz”, – shkruan klubi verior në njoftimin zyrtar.
Aktualisht Kukësi mban vendin e fundit në Superiore, me vetëm 2 pikë. Skënder Gega dha dorëheqjen pas barazimit me Teutën në Durrës, ndërsa tani ekipi kalon në duart e Dobit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
