Presidenti i Serbisë Alexander Vuçiç tha se nga biseda me përfaqësuesit e Macron, Scholz dhe Lajçak ka marrë një propozim për një kornizë krejtësisht të re për bisedimet në Bruksel.
“Kjo kornizë duhet të çojë në zgjidhjen përfundimtare të problemit dhe të gjitha çështjeve të pazgjidhura që lidhen me Kosovën”, tha ai.
“Biseda nuk ishte aspak e lehtë, por në thelb mund të them disa gjëra: Përfaqësuesit e vendeve më të fuqishme evropiane, të cilët theksuan se kanë mbështetjen e ShBA-së dhe Turqisë për këtë, besojnë se në kushtet kur ka një luftë në Evropë, nuk ka nevojë për konflikte të reja dhe se është e nevojshme të arrihet zgjidhja më e shpejtë e mundshme.
Unë dua ta zgjidh problemin sepse ka luftë në Evropë. Ndoshta ne në Serbi nuk e kuptojmë këtë, Evropa duhet të mbrohet dhe në përputhje me atë zgjidhje të mundshme, ata do të shmangnin mundësinë për t’i dhënë një përgjigje të qartë presidentit Putin në lidhje me precedentin ligjor dhe dhënien e pavarësisë së Kosovës. Pas kësaj do të thoshin – u arrit marrëveshja, që në gjithë këtë të bëhemi edhe një herë dëmi kolateral i konflikteve të të mëdhenjve dhe i sjelljes së tyre joparimore nga e kaluara”, theksoi Vuçiç.
Presidenti i Serbisë tha gjithashtu se Kosova “i ka shkelur të gjitha marrëveshjet”.
“Nuk ka gjë që të mos kenë shkelur dhe këtë e dinë edhe përfaqësuesit ndërkombëtarë”, tha ai.
Gjithashtu shtoi se serbët nuk janë të interesuar për ndërrimin e targave.
“Në orën 08:00 të datës 10 shtator dy persona kanë raportuar për ndërrimin e targave, njëri nga veriu dhe tjetri nga jugu i Kosovës dhe personi nga veriu është anëtar i institucioneve shqiptare… Nga serbët nuk ka njeri që dëshiron të ndërrojë targat”, tha Vuçiç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
