Gazeta Si – Përsëri incidente në një stadium futbolli në Francë. Para sfidës së Ligës së Konferencës mes Nisës dhe Këlnit, tifozët e dy skuadrave janë përleshur mes tyre në ‘Allianz Riviera’, duke shkaktuar incidente të rënda.
UEFA ka ndërhyrë, duke shtyrë nisjen e ndeshjes në fjalë. Një tifoz gjerman, që ka rënë nga një lartësi prej 5 metrash, është në gjendje të rëndë.
Conference League match between OGC Nice and Koln has been cancelled after riots between the two fan groups. #OGCNice #OGCNKOE #UECLpic.twitter.com/Qhi3ZUC7II
— Ronald Morgan (@ronaldmorgan_) September 8, 2022
Drejtuesit lokalë, UEFA dhe drejtuesit e dy skuadrave u mblodhën për të marrë një vendim për ndeshjen. UEFA, sipas RMC, donte që ndeshja të luhej, kurse prefektura kërkoi shtyrjen e saj në një datë tjetër.
Përplasjet e dhunshme mes dy tifozërive kishin nisur gjatë ditës në qytet, për të vazhduar më pas afër stadiumit të Nisës. Policia franceze përdori gas lotsjellës, por, sipas medieve lokale, e kishte të vështirë përballimin e tifozëve gjermanë, që kishin shkuar në masë në Francë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
