Gazeta Si – Në stadiumin ‘Maksimir” të Zagrebit, Dinamo arriti të mposhtte 1-0 Çelsin, duke thyer parashikimet. Një rezultat që solli edhe shkarkimin e trajnerit Tomas Tuhel nga drejtimi i ekipit londinez.
Përveç kësaj, vëmendje në atë ndeshja kanë marrë tifozët e Dinamos së Zagrebit. Sapo mësuan se në stadium do të ishte edhe presidenti i UEFA-s, Aleksander Ceferin, ata menduan t’i bëjnë një pritje të veçantë.
Gjatë ndeshjes ata morën një flamur, ku ishte shkruar UEFA dhe pasi e treguan qartë në tribunë, i vunë flakën. Në atë kohë ka pasur edhe kore të ndryshme kundër organizmit që drejton futbollin europian.
Imazhet e kësaj ngjarjeje, siç ndodh zakonisht, kanë bërë xhiron në rrjetet sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
