.png)
Gazeta Si – Vendim i befasishëm te Çelsi. Tomas Tuhel është shkarkuar nga detyra e trajnerit nga klubi londinez. Trajneri gjerman paguan kështu koston e humbjes në Champions kundër Dinamos së Zagbrebit dhe nisjen jo të mirë të kampionatit.
Çelsi është aktualisht në vend të 6-të, me 10 pikë pas 6 ndeshjesh. Në një komunikatë të shpërndarë nga klubi, shkruhet: “Pronarët e rinj, pas 100 ditësh mendojnë se është momenti i duhur për të ndryshuar trajner”.
Graham Poter, trajneri i Brajtonit, është kandidati kryesor për pasuesin e gjermanit në stolin e bluve të Londrës. Mes kandidatëve janë edhe Zinedin Zidan dhe Mauricio Poketino.
“Në emër të gjithë pjesëtarëve të Çelsit, klubi dëshiron ta falënderojë Tomasin dhe stafin e tij për gjithë punën dhe sforcon e bërë gjatë kohës që qëndruan në skuadër. Tomas do të ketë një vend në historinë e Çelsit, pasi fitoi Championsin, Superkupën dhe Kupën e Botës për klube në krye të kësaj skuadre”, – vazhdon komunikata.
Së shpejti Armando Broja do të ketë një trajner të ri. Zgjedhjet e Tuhel në ndeshjet e fundit janë kritikuar edhe nga specialistët e futbollit në Angli. Dukej sikur situata kishte dalë nga kontrolli për gjermanin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje