Gazeta Si – Dy ndeshje radhazi në ‘Elbasan Arena’, dy fitore radhazi për Partizanin. Të kuqtë janë të vetmit me pikë të plota në Superiore pas dy javëve të para të kampionatit.
Partizani-Laçi ishte ndeshja përmbyllëse e javës së dytë. Ajo u vendos nga një penallti e fituar dhe e kthyer në gol nga Skuka në fundin e pjesës së parë. Penalltia për ekipin e Kolelës u akordua nga VAR-i, që dalloi një kontakt mes sulmuesit dibran dhe Mazrekajt të Laçit.
Kurbinasit nuk mundën ta ndryshonin rezultatin gjatë pjesës së dytë, duke pranuar humbjen e parë sezonale. Partizani, ndoshta edhe me pak fat, po merr maksimumin në këto javë të para.
Pas tij vijnë Tirana, Bylisi dhe Erzeni me nga 4 pikë në 2 ndeshje. Java e tretë e Superiores nis të premten me sfidën Tirana-Vllaznia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
