.png)
Gazeta Si – Alban Bruçi i ka shpëtuar për mrekulli një atentati me armë një natë më parë në Shkodër, por gjatë dëshmisë së tij në polici, 25-vjeçari ka pohuar se nuk ka parë asgjë.
I riu, teksa ka shpjeguar dinamikën e ngjarjes, ka deklaruar se nuk ka konflikte me persona të tjerë.
“Nuk e kam idenë se kush mund të jenë autorët e kësaj ngjarje. Kam qenë duke shkuar në shtëpi me makinë kur dy persona me motor u afruan dhe qëlluan ndaj meje”, ka thënë Bruçi.
Ai tregon se pas të shtënave është munduar të shpëtojë dhe ka ecur pak metra me makinë.
“Pasi u larguan, nuk kisha marrë asnjë plumb dhe menjëherë erdha në polici për të treguar ngjarjen. Nuk kam konflikte me persona të tjerë dhe nuk e di se kush mund ta ketë bërë”, është shprehur 25-vjeçari në polici.
I riu po udhëtonte me makinën e tij tip “Audi”, kur ndaj mjetit u qëllua me armë zjarri. Fatmirësisht nga të shtënat nuk ka persona të lënduar.
Alban Bruçi nuk është emër i panjohur për autoritetet policore të Shkodrës. Ai rezulton person me precedentë penalë, pasi në prill 2016- tentoi të vriste një person.
Policia e Shkodrës dyshon se 25 vjeçari është qëlluar me armë zjarri pistoletë tip “Scorpions”, e cila ka enë e pajisur me silenciator pasi nuk janë dëgjuar të shtënat në zonën ku ndodhi atentati.
Sipas burimeve paraprake, në vendngjarje janë gjetur rreth 20 gëzhoja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
