Gazeta Si – Dy shtetasit rusë dhe ukrainasi që u kapën në uzinën ushtarake të Gramshit, dyshohet se kanë pasur aktivitet spiunazhi në vendin tonë. Kështu, ndaj tyre Prokuroria e Elbasanit ka regjistruar tre akuza që lidhen me spiunazhin.
Policia e Elbasanit, ka njoftuar mbrëmjen e të dielës se u bë arrestimi në flagrancë i shtetasve: Mikhail Zorin, 24 vjeç, Svetlana Timofeeva, 33 vjeçe, të dy shtetas rus dhe Fiodor Mihailoviç, 25 vjeç, shtetas ukrainas, për veprat penale: “Goditja për shkak të detyrës”, “Dhënia e informatave sekrete” dhe “Sigurimi i informatave”, kryer në bashkëpunim.
Në cilësinë e provës materiale janë sekuestruar automjeti me të cilin lëviznin këta shtetas, pajisje kompjuterike laptop, dronë, aparate celulare dhe sende të tjera të cilat do të ekzaminohen, rezultatet e të cilave do të jenë pjesë e hetimit. Materialet i kaluan Prokurorisë së Rrethit Gjyqësor Elbasan, për veprime të mëtejshme.
Në cilësinë e provës materiale janë sekuestruar automjeti me të cilin lëviznin këta shtetas, pajisje kompjuterike laptop, dronë, aparate celulare dhe sende të tjera të cilat do të ekzaminohen, rezultatet e të cilave do të jenë pjesë e hetimit.
Sipas Kodit Penal të Republikës së Shqipërisë, për këto vepra penale,, rusë dhe ukrainasi mund të dënohen me gjobë ose burgim deri në 3 vjet.
Dy shtetas rusë dhe ukrainasi janë arrestuar mbrëmjen e së shtunës pas një incidenti në uzinën ushtarake në Gramsh. Ata sulmuan me spray neuro-paralizues dy ushtarët shqiptarë që ndodheshin në uzinë.
Dy ushtarakët janë sjellë me urgjencë në QSUT ku dhe kanë marrë mjekimin e duhur, pasi kishin paralize faciale dhe probleme me sytë.
Në orët e vona të mbrëmjes, u mësua se gjëndja e tyre shëndetësore ishte përmirësuar dhe këtë diel kanë lënë spitalin në QSUT.
Në dëshminë e tyre, shtetasit e huaj kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
