.png)
Gazeta Si – Manuel Akanji dëshiron Interin dhe ia ka bërë të qartë Borusias. Ka një skenar të ri tashmë: të rinovojë me klubin gjerman, për të kaluar më pas në huazim te zikaltrit.
Deri tani mbrojtësi zviceran e kishte refuzuar rinovimin, por me skenarin e fundit situata ndryshon. Borusia kërkon 20 milionë euro për Akanji, por Interi, duke ditur që mbrojtësit i skadon kontrata në 2023-shin, kërkon që të ulen pretendimet e gjermanëve.
Akanji mund të rinovojë vetëm për një vit dhe pastaj të transferohet tek Interi në huazim me të drejtë blerjeje deri në fund të gushtit. Në këtë rast lojtari do të kënaqej sa i takon destinacionit të ri, kurse klubi zikaltër do të kishte një formë që i leverdis.
Borusia Dortmund në anën tjetër do të ketë kohë deri në 2024-ën të formalizojë shitjen përfundimtare të lojtarit.
Trajneri Simone Inzagi kërkon një mbrojtës që do të zërë vendin e lënë bosh nga Ranokia. Përveç Manuel Obafemi Akanji, që është objektivi kryesor, alternativë është edhe Françesko Açerbi. Mbrojtësi është larguar nga Lacio dhe ka eksperiencë të konsiderueshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
