Gazeta Si – Gola, kaos, tension dhe asnjë fitues në derbin e Londrës mes Çelsit dhe Totenhemit. Ndeshja përfundoi në barazim, 2-2, por gjithë vëmendjen e mori përplasja e ashpër mes dy trajnerëve, Tomas Tuhel dhe Antonio Konte.
Pas golit të barazimit 1-1 nga Totenhemi, shumë i diskutuar, shpërthyen nervat. Konte vrapoi të festonte përpara fytyrës së kolegut Tuhel, i cili nuk e priti aspak mirë.
Të dy i ulëritën njëri-tjetrit në fytyrë dhe pastaj ndërhynë ata që ishin në stolat respektivë. Pas pak minutash arbitri vendosi rregullin dhe i ndëshkoi dy trajnerët me karton të verdhë.
Në fund të ndeshjes tensioni shpërtheu përsëri. Totenhemi barazoi në minutën e 96-të dhe Konte shkoi t’i jepte dorën gjermanit, por pa e parë në fytyrë atë. Tuhel reagoi ashpër, duke i thënë: ‘Më shiko në sy!” Përsëri shtyrje dhe ulërima, ndërsa arbitri i ndëshkoi të dy me karton të kuq.
TUCHEL VS CONTE: ROUND TWO!!! 🤬🤬 pic.twitter.com/XhWuOU4fwD
— Sky Sports Premier League (@SkySportsPL) August 14, 2022
Armando Broja, sulmuesi i Kombëtares, u fut në fushë në minutën e 90-të, në vend të Havertz. Gjatë kohës shtesë Çelsi u mundua të mbronte rezultatin, por nuk pati sukses. Këtë herë trajneri Tuhel preferoi të aktivizonte Sterlign si sulmues qendre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
