Gazeta Si – Pas Gentian Selmanit, dy portierë të tjerë shqiptarë janë gati të transferohen në Turqi. Simon Simoni i Dinamos dhe Visar Bekaj i Tiranës pritet të formalizojnë nga momenti në moment këtë lëvizje.
Ish-portieri i Laçit dhe Kombëtares kaloi fillimisht te Menemenspori, ndërsa tani mbron portën e Bolusporit. Paraqitja e tij ka qenë në nivel të kënaqshëm. Tani dy kolegë të Selmanit janë gati të ndjekin të njëjtën rrugë.
Për Bekajn e Tiranës ka një interesim nga Manisaspor dhe nga burime jozyrtare thuhet se kalimi do të kryhet për 180 mijë euro. Për të zëvendësuar kosovarin, kampionët e Shqipërisë kanë menduar të afrojnë Alban Hoxhën e Tiranës, por gjithçka është në kuadrin e bisedimeve.
Një tjetër portier i talentuar, 18-vjeçari Simon Simoni është gati të transferohet në Turqi, por emri i skuadrës ende nuk është mësuar. Lezhjani i Kombëtares U-21, pas sezonit të mirë me Dinamon, do të bëjë një hap të rëndësishëm në karrierë, duke kaluar në kampionatin turk.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
