Gazeta Si – Fenerbahçe u eliminua nga Championsi, por rrezikon të përjashtohet nga kompeticionet europiane për shkak të tifozëve të saj. Ata kanë bërë një gjest të neveritshëm gjatë ndeshjes me Dinamon e Kievit në Championsit.
Kanë brohoritur në kor emrin e Vladimir Putin, presidentit rus, kur ukrainasit kaluan në avantazh. Pamjet kanë bërë menjëherë xhiron e botës.
A deeply embarrassing moment for Fenerbahçe and Turkey as fans try to bait Dynamo Kiev players by chanting for Vladimir Putin.
— Can Okar (@canokar) July 27, 2022
Many Kiev players will have friends and family they have lost in this unforgivable war of aggression.
This is wrong.pic.twitter.com/OiA3ClZh3B
Incidenti i turpshëm ndodhi në stadiumin ‘Ulker’ në ndeshjen e kthimit të raundit të dytë në Champions, që u mbyll 1-2. Sapo Dinamo shënoi golin e parë me Bujalski, një pjesë e madhe e tifozëve në stadium nisën koret me emrin e Putinit.
Lojtari ukrainas festoi golin, duke bërë gjestin e shqiponjës, që duket se ka lidhje me rivalët e Fenerbahçes, Beshiktashin. Një gjest, që nuk u pëlqeu tifozëve vendës, të cilët reaguan me emrin e pushtuesit të Ukrainës.
Pamjet nga Turqia kanë shkaktuar një zemërim të thellë në rrjet. Ky gjest është dënuar nga e gjithë bota, ndërkohë institucionet e UEFA-s pritet të marrin masa ndaj klubit turk. Ngjarja është dënuar edhe nga shumë tifozë në Turqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
