Gazeta Si – Sezoni i parë me fanellën e Lacios nuk ishte mbresëlënës për Elseid Hysaj, edhe pse ai u aktivizua vazhdimisht nga trajneri Mauricio Sarri. Lojtari i Kombëtares mund të ndjekë rrugën e Bares, Balliut dhe Uzunit, duke kaluar në Spanjë.
Për Hysaj ka një pistë konkrete. Valencia ka pasur kontakte me Lacion për mbrojtësin që luan në të dy krahët. Trajneri Gatuzo e njeh mire që nga koha kur ka drejtuar Napolin dhe e dëshiron shkodranin në skuadër.
Për momentin çdo skenar është i hapur. E sigurt është se trajneri Sarri i ka kërkuar Igli Tares një mbrojtës të majtë, pasi në këtë pikë Lacio ka çaluar sezonin e fundit. Dhe aty më së shumti ka luajtur Hysaj.
Oferta e parë e Valencias për Lacion është shumë e ulët, 2 milionë euro, ndërsa Hysaj vetë mund të përfitojë më shumë, 3 milionë euro në sezon. Klubi italian nuk ka vendosur ende dhe Hysaj mbetet pezull për momentin.
Lojtari i Kombëtares deri tani është aktivizuar vetëm në futbollin italian, me Empolin, Napolin dhe Lacion. Në të trija këto skuadra ka pasur trajneri Sarrin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
