Gazeta Si – Gjykata e Vlorës ka liruar Gjergj Priftulin, i cili fundjavën e shkuar humbi kontrollin e gomones teksa lundronte në det dhe për pasojë lëndoi dy pushues në Jalë.
Ndaj 37-vjeçarit u vendos masa e sigurisë “arrest në shtëpi”, seancë e cila u drejtua nga gjyqtari Hektor Sinanaj dhe prokurore Erida Visoci.
Ngjarja ndodhi katër ditë më parë, ku drejtuesi i mjetit lundrues po kryente manovra të rrezikshme disa qindra metra larg bregut dhe më pas ai u rrëzua në ujë.
Gomonia u nis me shpejtësi dhe përplasi një çift të rinjsh në breg të detit, një djalë 31 vjeç dhe një vajzë 25 vjeçe, të cilët mbetën të lënduar. Ata u transportuan në Tiranë në Spitalin e Traumës me helikopter.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
