Gazeta Si – Mbrojtësi brazilian, Gleison Bremer, ka zbarkuar te Juventusi. Këtë mëngjes ai ka shkuar në ‘J Medical’ për testet mjekësore, që do të japin ‘ok’-in për fillimin e aventurës së tij me ‘Zonjën’.
Lojtari mbërriti mbrëmë në Kazele, pas ditës vendimtare të bisedimeve për ta rrëmbyer para Interit. Nga kjo lëvizje Torino përfiton 41 milionë euro, plus 9 milionë nga bonuset.
#Bremer al J Medical: visite di rito per il neo difensore della #Juventus 📽 #calciomercato pic.twitter.com/aVSwj7I2yE
— Giovanni Albanese (@GiovaAlbanese) July 20, 2022
Brazilianit i është bërë një pritje e ngrohtë nga tifozët, kur ai mbërriti në ‘J Medical’. Bremer është pritur me entuziazëm, me flamuj të Brazilit dhe Juventusit. Nuk kanë munguar fotot e rastit.
Mbrojtësi 25-vjeçar erdhi nga Austria, ku Torino po zhvillon përgatitjet. Ai do të qëndrojë në të njëjtin qytet, jo më me fanellën ‘garanata”, por me atë bardhezi të Juventusit. Klubi bardhezi e siguroi Bremer para Interit me një ofertë finale prej 41 milionë eurosh.
Braziliani do të ketë një pagë prej 5 milionë eurosh në sezon te Juventusi, plus bonuset. Tani pritet firma në kontratë dhe prezantimi zyrtar i lojtarit te Juventusi. Bremer do të zëvendësojë holandezin De Ligt, që është prezantuar te Bajerni i Mynihut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
