Gazeta Si – Përveç Tiranës, mbrëmjen e së martës zbritën në fushë për ndeshjet europiane edhe dy skuadra të tjera shqiptare, Shkupi dhe Ballkani. Të dyjë këto skuadra kanë marrë rezultate pozitive, ndryshe nga kampionët e Shqipërisë.
Shkupi bëri befasinë e madhe në raundin e dytë eliminator të Ligës së Kampionëve, duke barazuar në fushën e Dinamos së Zagrebit, 2-2. Kampionët e Maqedonisë së Veriut kaluan të parët në avantazh, më pas u përmbysën, por në fund ia dolën të barazonin në “Maksimir”.
Për Dinamon e Zagrebit shënoi golin e parë mesfushori shqiptar Arjan Ademi, i cili edhe pasimin për golin e dytë. Kualifikimi mbetet i hapur për në ndeshjen e kthimit.
Ballkani i trajnerit Ilir Daja fitoi thellë në San Marino ndaj La Fioritas. Kampionët e Kosovës realizuan 4 gola, 2 me Rahmanin, Korenicën dhe Berishën.
Ishte një fitore shumë e lehtë për Ballkanin, që me këtë rezultat është i kualifikuar për në turin tjetër të Ligës së Konferencës. Ndeshja e kthimit do të jetë formalitet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
