Gazeta Si – Federata Shqiptare e Futbollit ka bërë me dije se ditën e premte do të zbardhë kalendarin e kampionatit të ardhshëm të Superiores. Sezoni 2022-23 për kampionatin elitar nis më 20 gusht.
Shorti i kalendarit do të hidhet nesër, në orën 11:00, në amnbientet e stadiumit “Air Albania”, në një nga sallat e konferencave. Dhjetë klubet e Superiores do të kenë përfaqësuesit e tyre në këtë short.
Sezoni 2022-23 do të ketë sërish 10 skuadra pjesëmarrëse dhe ato janë: Tirana, Laçi, Partizani, Kukësi, Vllaznia, Teuta, Kastrioti, Egnatia, Bylis dhe Erzeni.
Këtë herë do të jetë një kampionat ndryshe. Për shkak të Botërorit të Katarit dhe ngjeshjes së ndeshjeve të kompeticioneve europiane, kampionati ndërpritet më 14 nëntor dhe rifillon më 15 dhjetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
