Gazeta Si – Uatfordi ka prezantuar sot sulmuesin Rei Manaj si përforcimin e tij të radhës. Lojtari i Kombëtares shqiptare ka nënshkruar një kontratë trevjeçare me anglezët, ndërsa shifrat financiare nuk bëhen të ditura.
Manaj kalon kështu nga Barcelona tek Uatfordi. Sulmuesi 25-vjeçar ka një eksperiencë të konsiderueshme. Ai ka luajtur në Itali dhe Spanjë, ndërsa tani ka shansin të provojë edhe kampionatin anglez, por Championshipin dhe jo Premier Ligën.
Rey Manaj is a Hornet! ✌️😁#WatfordFC pic.twitter.com/WH2vg1dQeC
— Watford Football Club (@WatfordFC) July 12, 2022
‘Grerëzat’, siç thirret ndryshe Uatfordi në Angli, në njoftimin për afrimin e Manajt evidenton faktin që ai ka qenë pjesë e Interit dhe që numëron 50 ndeshje me Shqipërinë.
Rei Manaj më parë ka veshur edhe fanellat e Specias, Peskarës, Kremonezes dhe Pizës në Itali. Ai ka kaluar edhe disa vite në Spanjë, ku veshi fanellën e Granadës, Albacetes dhe Barcelonës B.
Sezonin e fundit luajti me Specian në formë huazimi dhe shënoi 5 gola. Tani Manaj pritet të tregojë vlerat e tij me Uatfordin, një ekip i njohur në Angli.
✍️ We're pleased to confirm the signing of Albania international striker Rey Manaj from Barcelona!
— Watford Football Club (@WatfordFC) July 12, 2022
Welcome to Watford, Rey. ✌️
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
