Gazeta Si – Çmenduri në Leçe. Dy koka derri dhe një letër kërcënuese janë gjetur mëngjesin e sotëm para banesës së presidentit të Leçes, avokatit Saverio Stiki Damiani.
Edhe pranë studios së tij ligjore në Leçe ka pasur mesazhe kërcënuese. Për këtë ngjarje ka nisur një hetim nga Kuestura dhe karabinierët.
Koka derri ende të gjakosura dhe një zarf me letrën kërcënuese ndaj presidentit. Ato janë gjetur nga administratori i pallatit mëngjesin e sotëm.
Leçe është kthyer në Serinë A këtë sezon pas shumë vitesh. Nuk është ende e qartë, nëse mesazhet kërcënuese ndaj presidentit kanë të bëjnë me merkaton e dobët për fuqizimin e skuadrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
