.png)
Pritej dhe është pothuajse zyrtare: mesfushori francez Paul Pogba ka fluturuar për në Torino. Ai zyrtarisht do t’i bashkohet Juventusit këtë fundjavë.
Mesfushori fluturoi në Torino për të finalizuar rikthimin e tij në Juventus, siç tregohet në një video të postuar në rrjetet e tij sociale në të cilën ai tha: “Erdhi koha. Do të takohemi së shpejti”.
Kampioni i botës në 2018, i lirë pas përfundimit të aventurës së tij me Djajtë e Kuq thuhet se në orët në vazhdim do të nënshkruajë me Zonjën e Vjetër.
Një periudhë e dytë në Juve
Francezi, i cili mbrojti ngjyrat e bardhezinjve midis 2012 dhe 2016, para se të transferohej te Manchester United për 105 milionë euro, duhet të kryejë ekzaminimet e tij mjekësore para nënshkrimit të tij këtë të shtunë, raporton Fabrizio Romano.
Paul Pogba luajti 178 ndeshje dhe shënoi gjithsej 34 gola gjatë periudhës së tij të parë tek Juventus. Ai gjithashtu ka fituar katër Scudetti, dy Kupa të Italisë dhe dy Superkupa të Italisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje