Gazeta Si – Ish-zëvendësministri Shëndetësisë, Klodian Rrjepaj është pyetur këtë të enjte në SPAK për të dytën herë për koncesionin e sterilizimit.
Ai është thirrur për herë të parë një muaj më parë, seancë e cila zgjati 12 orë. Hetimet e SPAK që zgjasin prej 2 vitesh e gjysmë, konstatojnë se koncesioni është dhënë në kundërshtim me ligjin.
Në vitin 2016, Prokuroria e Tiranës kreu një hetim mbi këtë koncesion, por pushoi hetimet.
Pyetja e ish-zëvendësministrit vjen në një kohë kur Prokuroria e Posaçme është duke finalizuar hetimin për koncesionet e sterilizimit të pajisjeve mjekësore të operacioneve dhe shërbimin e ‘Check Up’ në spitalet vendit.
Pjesë e procedurës është edhe marrja në pyetje e zyrtarëve dhe ish-zyrtarëve të Ministrisë së Shëndetësisë.
Vetëm tenderi i strerilzimit të pajisjeve mjekësore ka një kontratë prej 12.3 miliardë lekëve, ndërsa Check Up shkon në rreth 8.7 miliardë lekë.
Ditët e fundit SPAK ka marrë në pyetje disa persona, ndërsa të gjitha spitaleve në vend u është kërkuar dokumentacioni i nevojshëm në lidhje me këtë koncesion.
Procedura për sterilizimin e seteve kirurgjikale është dosja e parë e SPAK dhe është nën hetim prej 3 vitesh.
Kallëzimi u bë nga përfaqësues të Nismës Thurje, të cilët kanë denoncuar penalisht zyrtarët e përfshirë në dhënien me koncesion të procesit të sterilizimit.
Ata kanë kërkuar hetimin e zyrtarëve, duke nisur nga ish-ministri i Shëndetësisë Ilir Beqja, i cili sipas tyre kanë abuzuar me buxhetin e shtetit.
Në akuzat e kallëzuesve, thuhet se ky koncesion është i panevojshëm, duke hedhur dyshime për abuzime të ndryshme financiare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
