Chelseat i është ofruar mundësia për të nënshkruar me Cristiano Ronaldon dhe Neymarin këtë verë. Ndërmjetësuesit për dyshen i janë drejtuar bashkëpronarit të ri të Blues, Todd Boehly, në përpjekje për ta nxitur atë në një lëvizje të bujshme.
Kjo vjen pasi Ronaldo i tha Manchester United se dëshiron të largohet nëse ata marrin një ofertë të përshtatshme për të. 37-vjeçari është i frustruar nga mungesa e aktivitetit transferues në Old Trafford dhe dëshiron të luajë në Ligën e Kampionëve dhe të luftojë për trofe të mëdhenj. Ronaldo u lejua të anashkalojë ditën e parë të stërvitjes parasezonale në United “për arsye familjare”.
Agjenti i tij, Jorge Mendes, tashmë është takuar me Boehlyn dhe ka diskutuar një transferim të mundshëm për klientin e tij, si dhe ka ofruar shërbimet e tij për të transferuar lojtarë të tjerë në klub.
Paris Saint-Germain është i hapur për të shitur Neymarin. Braziliani mendohet se është i hapur për një lëvizje në futbollin anglez. Por mbetet e paqartë se si Chelsea do të paguajë pagën e tij prej 606,000 funtesh në javë, me Thomas Tuchel që heziton të nënshkruajë një superyll.
Ky i fundit ka frikë se një nënshkrim si Ronaldo ose Neymar mund të prishë ekuilibrin e skuadrës dhe nuk do t’i përshtatet markës së tyre të futbollit me intensitet të lartë. Tuchel është gjithashtu i prirur të shmangë përsëritjen e gabimeve që ata bënë me nënshkrimin e Romelu Lukakut për 115 milionë euro verën e kaluar.
Chelsea gjithashtu ka besim gjithnjë e më shumë se do të nënshkruajnë me Raheem Sterling dhe firmosin një marrëveshje prej 53 milionë eurosh për yllin e Manchester Cityt përpara se të fluturojnë në Shtetet e Bashkuara për turneun e tyre parasezonal të shtunën.
Por Blutë mund të jenë në treg për një tjetër sulmues, me Raphinhan që ngec në ofertën e tyre prej 63 milionë euro për ta nënshkruar atë nga Leeds. 25-vjeçari preferon një kalim te Barcelona dhe u ka thënë gjigantëve spanjollë se do të presë një lëvizje atje, pasi tashmë ka kundërshtuar Arsenalin dhe Tottenhamin.
Pronarët e rinj të Chelsea, Boehly dhe Clearlake Capital i kanë premtuar Tuchel të paktën gjashtë nënshkrime të reja këtë verë për të siguruar që ata të jenë në një pozicion për të kapërcyer hendekun me Manchester City dhe Liverpoolin sezonin e ardhshëm. /Telegrafi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
