Gazeta Si – Rei Manaj është në kërkim të skuadrës së sezonit të ri. Për një moment u duk se sulmuesi kuqezi do të qëndronte te Specia, pasi bindi me paraqitjen e tij, por klubi italian nuk ka mundur ta blejë kartonin e tij nga Barcelona.
Për momentin, pista më e mundshme për Manajn është Spanja. Ai pritet të rikthehet në këtë vend, pasi e kërkon skuadra e Getafes, madje bisedimet, sipas shtypit italian, janë në një fazë të avancuar.
Një tjetër skuadër e interesuar për sulmuesin e Kombëtares shqiptare është Uatfordi në Premier Ligë. Janë ditë vendimtare për sulmuesin, që duhet të vendosë bashkë me Barcelonën për të ardhmen.
Rei Manaj, 25 vjeç, e njeh mirë futbollin spanjoll. Në të kaluarën është aktivizuar me Barcelonën B, Albaceten dhe Granadën. Sezonin e fundit kaloi në Itali në formë huazimi, ndërsa tani është shumë pranë rikthimit në Spanjë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
