Gazeta Si – Klubi italian ka vendosur të anulojë miqësoren e ‘Trofeut Gamper’ të 6 gushtit, sepse prish planet e përgatitjeve të sezonit të ri. Spanjollët e presin keq vendimin. Sipas tyre, është prishur në mënyrë të njëanshme dhe pa arsye një kontratë.
Është bërë një çështje tashmë ‘Trofeu Gamper’, pas njoftimit zyrtar të Romës për anulimin e miqësorees së programuar më 6 gusht. Klubi italian kërkon që të krijojë kushtet më të mira për përgatitjen e sezonit të ri.
AS Roma unilaterally rescinds contract to play in Gamper
— FC Barcelona (@FCBarcelona) June 27, 2022
🔗 https://t.co/lYsVEETF8Y pic.twitter.com/fkuTure4Nw
“Roma, për meshkuj dhe femra, do të ndjekë rugëtimin e saj me impenjime të tjera më pak të rëndësishme. Falenderojmë Barcelonën për ftesën për miqësoren dhe i urojmë më të mirat”, – shkruhet në njoftimin e klubit.
Barcelona ndërkohë ka reaguar me anë të kanaleve të saj zyrtare në rrjetet sociale. Katalanasit kanë publikuar një komunikatë, ku shkruhet: “Është vendosur të prishet pa arsye një kontratë e arritur më parë mes palëve”.
Barcelona ka bërë me dije se po kërkon kundërshtarë të tjerë dhe se do të fillojë t’u kthejë tifozëve paratë e shpenzuara për biletat. Sipas klubit katalanas, ngjarja është përgjëgjësi e Romës.
Zyra ligjore e klubit spanjoll po sheh mundësinë për të hapur një gjyq ndaj klubit italian për dëmet e shkaktuara ndaj klubit katalanas dhe tifozëve. Ishte një vendim i papritur dhe i pajustifikuar ai për miqësoren ga Roma.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
