Gazeta Si – Gereth Bejl është gati të nisë aventurën me Los Anxheles FC. Klubi amerikan ka njoftuar zyrtarisht në Tuiter afrimin e lojtarit uellsian, që largohet nga Real Madrid.
Pas 5 ndeshjesh në sezonin e fundit, 3 titujsh kampion në La Liga dhe 5 Liga Kampionësh me `galaktikët’, Bejl transferohet në Kaliforni. Sezonin e ri do të luajë bashkë me Xhorxho Kielinin në skuadër.
Gareth Bale is Black & Gold.
— LAFC (@LAFC) June 27, 2022
🤝 #LAFC Transfers presented by @remitly.
Në Itali këto ditë duken më aktive sa i takon merkatos. Romelu Lukaku ka marrë miratimin për të kryer vizitat mjekësore tek Interi. Zikaltrit ndërkohë mbeten në pritje të Dibalës.
Në Milano ka zbarkuar edhe belgu tjetër, Divok Origi, i cili do të jetë blerja e parë e Milanit. Klubi kuqezi po ndjek njëkohësisht edhe pistat e tjera, sidomos atë të spanjollit Marko Asensio, në kontratë me Realin deri në 2023-shin.
Juventusi ka avancuar në bisedimet me Di Marian, që u duk një pistë e mbyllur, por tani marrëveshja është shumë afër. Pol Pogba gjithashtu pritet të ribashkohet me torinezët, pas largimit nga Mançester Junajtid.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
