Gazeta Si – Diferencat janë të mëdha, Fenerbahçe është tjetër nivel. Tirana ka marrë një leksion nga ekipi i njohur në miqësoren e luksit, e fundit për kampionët në tokën turke.
Katër gola pësuan kampionët e Shqipërisë në këtë ndeshje, ku nuk shënuan asnjëherë. Berisha shënoi që në fillim për Fenerbahçen. Rezultati u thellua në pjesën e dytë me golat e Novak, Pelkas dhe Samata.
Rezultati në të tilla ndeshje është gjithmonë dytësor. Megjithatë, kjo humbje diçka tregon. Trajneri Orges Shehi ka testuar të gjithë lojtarët që kishte në dispozicion. Ndoshta ai ka të drejtë, kur thotë se Tirana ka nevojë për përforcime.
Bardheblutë e kanë marrë sot një leksion të mirë, që ka treguar se ku kanë më shumë probleme para aventurës europiane. Tirana do të mbyllë të dielën përgatitjet në Turqi dhe të hënën do të kthehet në Shqipëri.
Formacionet fillestare
Fenerbahçe: Ertugrul, Lemos, Serdar, Novak, Osai, Gustavo, Bruma, Irfan, Linkoln, Mert Hakan, Berisha.
Tirana: Bekaj, Toshevski, Najdovski, Behiraçe, Ismajlgeci, Aleksi, Limaj, Totre, Xhixha, Seferi, Devid.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
