Gazeta Si – Ka një akord në princip për transferimin e Kristjan Asllanit tek Interi. Mesfushori kuqezi do të çojë në arkat e Empolit 14 milionë euro sipas këtij akordi mes dy klubeve.
Mbeten për t’u saktësuar vetëm disa detaje të fundit për zyrtarizimin e marrëveshjes. Por ajo është thjesht formalitet. Mund të ketë ndonjë lojtar të Interit të përfshirë në operacion për të bërë të mundur veshjen zikaltër të Asllanit.
Bëhet fjalë për Satriano, i cili duket se ka dhënë ‘ok’-in për kalimin tek Empoli. Ajo që është e sigurt tashmë lidhet me faktin se futbollisti shqiptar do të kalojë tek Interi.
Për Asllanin ishte interesuar edhe Milani kohët e fundit. Elbasanasi mori rol protagonisti që në sezonin e parë në Serinë A. Për 20-vjeçarin u vunë menjëherë në lëvizje klubet e mëdha dhe tani erdhi momenti që ai t’i bashkohet Interit si zëvendësuesi i Brozoviç.
Mesfushori pritet të jetë protagonist edhe me fanellën kuqezi në të ardhmen. Asllanit iu dha shansi nga Reja në dy ndeshjet e Ligës së Kombeve, por paraqitja e tij nuk ishte në nivelin që pritej.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
