Gazeta Si – Kosta Rika është skuadra e fundit që kualifikohet në Botërorin e Katarit. Skuadra nga Amerika qendrore mundi 1-0 Zelandën e Re në ndeshjen e “Play off”-it, që u luajt në fushën neutrale të Al Rayyan.
Një gol i Xhoel Kempbëll, ish-lojtar i Arsenalit, mjaftoi që Kosta Rika të fitojë biletën e fundit për në Kupën e Botës. Goli vendimtar u shënua pas vetëm 3 minutash lojë.
Sipas shortit të hedhur më parë, kastarikanët do të bëjnë pjesë në një grup me Spanjën, Gjermaninë dhe Japoninë. Një fitore e parashikuar në fakt kjo e Kosta Rikës, edhe pse në një ndeshje teke gjithçka ndodh.
𝑺𝒄𝒆𝒏𝒆𝒔 𝒊𝒏 𝑫𝒐𝒉𝒂 𝒓𝒊𝒈𝒉𝒕 𝒏𝒐𝒘 🇨🇷 @fedefutbolcrc are enjoying themselves! pic.twitter.com/m3GnhL4TRs
— FIFA World Cup (@FIFAWorldCup) June 14, 2022
Zelanda e Re provoi të reagonte dhe në një moment barazoi, por goli i Kris Vud u anulua nga VAR-i, sepse aksoni kishte nisur nga një faull.
Skuadra fituese e zonës së Oqeanisë provoi me të gjitha mundësitë edhe kur mbeti me 10 vetë, por në fund nuk ia doli. Të drejtën për të qenë në Katar 2022 e ka Kosta Rika, që kompleton 32-shen e skuadrave pjesëmarrëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
