Gazeta Si – Pas Tiranës, edhe Partizani dhe Laçi kanë mësuar kundërshtarët e tyre europianë. Dy skuadrat që marrin pjesë në Ligën e Konferencës ishin me fat në short. Goglat u kanë rezervuar kundërshtarë të kalueshëm.
Laçi ndeshet me malazezët e Iskras në turin e parë eliminator. Kurbinasit janë të favorizuar për të kaluar më tej, pasi tashmë kanë edhe një përvojë të konsiderueshme në Kupat e Europës.
Partizani do të ketë një udhëtim të gjatë, pasi do të ndeshet me gjeorgjianët e Saburtalo. Pra, nuk kemi të bëjmë me sfidë mes ekipesh shqiptare në Europë.
Me fat ishin edhe ekipet kosovare në short. Llapi ndeshet me Buduçnostin, Gjilani me Liepajan dhe Drita me finlandezët e Inter Turku.
Shkëndija e Tetovës, që gjithashtu merr pjesë në Ligën e Konferencës, ndeshet me armenët e Ararat Jerevan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
