Gazeta Si – Tirana ishte vërtet me fat në shortin e hedhur sot në Nion të Zvicrës. Skuadra e trajnerit Orges Shehi do të ndeshet në raundin e parë eliminator të Ligës së Kampionëve me Dudelange.
Kampionët e Luksemburgut janë kundërshtari më i lehtë i mundshëm në letër për kampionët e Shqipërisë. Vërtet me fat bardheblutë, që kanë evituar ekipe si Ferencvaroshi, apo Ludogorets.
Ndeshjen e parë Tirana do ta luajë në transfertë, më 5/6 korrik. Ndeshja e kthimit luhet më 12/13 korrik në Tiranë. Shanset e kampionëve të Shqipërisë për të kaluar turin janë mjaft të mëdha.
Tirana ndërkohë është zhvendosur në Turqi, ku ka nisur fazën përgatitore për ndeshjet europiane. Teksa ndiqnin shortin, me siguri drejtuesit dhe lojtarët e saj kanë buzëqeshur. Ishin vërtet me fat te goglat.
Ballkani, ekipi kampion i Kosovës, do ndeshet me lituanezët e Zalgiris. Ekipi i trajneri Ilir Daja ka shanse të mëdha kualifikimi. Kurse Shkupi, ekipi kampion i Maqedonisë së Veriut, ndeshet me Nju Seints.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
