Gazeta Si – Kundër Gjermanisë nis gjithçka nga zero. Pas dështimit në ‘Finalissima’ ndaj Argjentinës, trajneri Mançini ka pohuar se është fundi i një cikli.
Tani gjithçka nis nga Liga e Kombeve, nga sfida me Gjermaninë, me një formacion ndryshe nga ai që triumfoi në ‘Wembley’ vetëm një vit më parë. Plot 6 titullarë të Italisë janë lejuar të kthehen në shtëpi nga trajneri Mançini.
Bernardeski, Kielini, Emerson, Insinje, Zhorzhinjo dhe Verrati kanë lënë grumbullimin e kombëtares në Koverçano. Grupi ndërkohë vazhdon punën për ndeshjen e së shtunës, që luhet në Bolonja.
“Donim të ndryshonim pas kësaj ndeshjeje dhe do ta bëjmë. Do të lëmë dikë që të shkojë me pushime, – kishte pohuar trajneri pas sfidës me Argjentinën. Fjalë që janë pasuar menjëherë nga faktet.
E ka pranuar vetë trajneri Mançini: “Do të jetë më e vështirë në krahasim me 2018-ën. Duhet të dimë të gjithë se na presin të tjera mbrëmje si kjo. Nuk është e lehtë të ndërtosh një skuadër kompetitive, në gjendje të na japë menjëherë kënaqësi.
Complimenti agli avversari di ieri sera che sono stati più bravi di noi.
— Roberto Mancini (@robymancio) June 2, 2022
Grazie Giorgio e buona fortuna per il tuo futuro 💪🏻
FORZA AZZURRI 🇮🇹 pic.twitter.com/0JG9hs1e4Q
Na duhet të përpiqemi ta bëjmë kthesën sa më parë. Djemtë e rinj duhet të mësojnë shpejt, sepse shumë prej as nuk luajnë në Serinë A. Duhet të gjejmë zgjidhje të të gabojmë sa më pak të jetë e mundur”, – ka thënë Mançini.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
