Gazeta Si – Klubi i Tiranës ka zyrtarizuar zgjatjen e kontratës me trajnerin Orges Shehi. Me një njoftim në faqen e saj zyrtare, Tirana bën me dije se Shehi do të qëndrojë edhe për një sezon.
“Orges Shehi do të vijojë të jetë pjesë e bardhebluve edhe në sezonin e ri. Tekniku dhe presidenca kanë arritur marrëveshjen për zgjatjen e bashkëpunimit.
Puna e mirë, karriera e pasur, fitimi i titullit të 26-të të klubit edhe i pari i tij personal si trajner, e mbajnë Shehin në krye të stolit bardheblu edhe sezonin e ardhshëm”, – shkruhet në njoftimin e klubit kryeqytetas.
Gjatë javëve të fundit ka pasur zëra për një largim të trajnerit Orges Shehi drejt Kosovës. Presidenti Refik Halili donte që trajneri durrsak të qëndronte dhe tashmë nuk ka më dilema.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
