Gazeta Si – Pritej vetëm zyrtarizimi, që tashmë ka ardhur. Pol Pogba do të largohet nga Mançester Junajtid. Klubi anglez e ka përshëndetur francezin me një ‘faleminderit’ të thjeshtë në Tuiter.
Në faqen e klubit është publikuar edhe njoftimi për largimin e mesfushorit francez. “Klubi njofton se Pol Pogba do të largohet nga Mançester Junajtid në fund të qershorit, kur skadon kontrata e tij.
Ka qëndruar gjatë me ne, e ka nisur tek akademia, kur erdhi nga Le Havre. Ishte ende 16 vjeç”, – shkruan klubi në njoftimin zyrtar.
Pasi kujton karrierën e gjatë dhe fitoret e lojtarit, njoftimi mbyllet kështu: “Të gjithë në klub duan ta përgëzojnë Pol Pogba për karrierën plot me suksese dhe për atë që i ka dhënë Mançesterit.
I feel privileged to have played for this club. Many beautiful moments and memories but most importantly an unconditional support from the fans. Thank you @ManUtd pic.twitter.com/YLT3lUHOmT
— Paul Pogba (@paulpogba) June 1, 2022
I urojmë më të mirën në hapat e ardhshëm në udhëtimin e tij”. Një udhëtim, që me shumë mundësi do të rinisë nga Torino. Juventusi është teatri i një periudhe tjetër të artë të karrierës së Pol Pogba.
Klubi italian ka nisur kontaktet me përfaqësuesit e futbollistit dhe veshja e tij sërish bardhezi duket e sigurt. Juventusi ka nevojë për një ekspert në mesfushë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
