Gazeta Si – Festë e dyfishtë për Milanin. Me fitoren e titullin kampion, ekipi kuqezi hyn në Champions nga dera kryesore. Nga vazoja e 4-t e sezonit të kaluar, në shortin e 25 gushtit do të jetë kokë grupi.
Zhgënjim i dyfishtë ndërkohë për Interin. Vitin e kaluar ishte në vazon e parë në Champions, tani zbret në vazon e tretë. Kjo do të thotë se shorti rrezikon të jetë shumë i komplikuar për zikaltrit.
https://t.co/hN9aNL71Je pic.twitter.com/Dk1EkvDpQs
— UEFA Champions League (@ChampionsLeague) May 22, 2022
Po në vazon e tretë në short do të jetë edhe Napoli, kurse Juventusi në vazon e dytë. Bardhezinjtë shpresojnë shumë për një short më të butë këtë herë.
Në vazon e parë janë skuadrat fituese të kampionateve kryesore europiane, përveç Eintrahtit, fitues i Ligës së Europës. Fitorja në finalen e Champions mund të shtojë edhe Liverpulin.
Nëse në finalen e Championsit triumfon Reali, i kualifikuar tashmë, ngjitet Ajaksi në vazon e parë. Ekipi holandez përfiton si fitues i kampionatit të 7-të europian më të mirë.
Ekipet e vazos së parë do të jenë: Liverpuli/Ajaks, Eintraht, Mançester Siti, Real Madrid, Milan, Bajern Mynih, PSG dhe Porto.
Nga vazoja e dytë tek e katërta, kompletimi i vazove në Champions bëhet mbi bazën e renditjes. Skuadrave të sigurta në vazon e dytë u shtohet Liverpuli, nëse humb në finale ndaj Realit.
Ekipet e vazos së dytë: Çelsi, Barcelona, Juventus, Atletiko Madrid, Sevilja, Totenhemi, Lajpcigu, Ajaksi/ Liverpuli.
Ekipet e vazos së tretë: Borusia Dortmund, Salcburg, Shakhtar, Inter, Napoli, Benfika, Sporting dhe Bajer Leverkusen.
Ekipet e vazos së tretë: Rejnxhërs, Dinamo Zagreb/Trabzonspor/Malmo, Crvena Zvezda, Olipik Marsejë, Olimpiakos, Kopenaghen, Bryzh dhe Selltik.
Finalja e Championsit sezonin e ardhshëm është vendosur të luhet më 10 qershor, në stadiumin “Ataturk”, në Stamboll. Rruga është shumë e gjatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
