.png)
Një çadër e vendosur të shitet në Kinë nga markat më të mira perëndimore Gucci dhe Adidas për 11,100 juanë (1,329 paund) po shkakton një protestë për mos mbajtjen e shiut.
Kritikat për artikullin që markat e quajnë “çadër dielli” janë bërë virale në platformën kineze të mediave sociale Weibo.
Kritikat vijnë pasi uebfaqja e Gucci-t thotë se “nuk është e papërshkueshme nga uji dhe është menduar për mbrojtje nga dielli ose përdorim dekorativ”.
Çadra është pjesë e një koleksioni të përbashkët që po promovohet online përpara daljes në treg muajin e ardhshëm.
Një hashtag në Weibo që përkthehet “çadra e bashkëpunimit që shitet për 11,100 juanë nuk është e papërshkueshme nga uji”, ka pasur deri më tani më shumë se 140 milionë shikime.
Një komentues e quajti çadrën “një produkt i padobishëm i modës”.
“Ata po na mashtrojnë”, tha një komentues tjetër.
Të tjerë e kuptuan pse produkti mund të jetë akoma tërheqës.
“Ata që janë të gatshëm të paguajnë përdorin mallra luksi për të treguar se sa vlejnë”, ka shkruar një komentues. “Atyre nuk u intereson gjë tjetër”.
Çadra do të dalë në treg më 7 qershor si pjesë e një koleksioni të ri të markës luksoze Gucci dhe gjigantit të veshjeve sportive Adidas.
Gucci dhe Adidas nuk kanë komentuar akoma zyrtarisht për këtë cështje.
Megjithatë, një zëdhënës i Gucci-t i tha revistës Caijing në Pekin se produkti “nuk rekomandohet të përdoret si një çadër e përditshme”.
Kina është një treg kyç për markat kryesore luksoze.
Vitin e kaluar, shitjet e mallrave luksoze u rritën me 36% në ekonominë e dytë më të madhe në botë, sipas Kompanisë Bain.
Bain parashikoi gjithashtu se Kina do të bëhet tregu më i madh i mallrave luksoze brenda tre viteve të ardhshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
